عرب سوفت 3arabsoft l
اهلا وسهلا بك زائرنا الكريم في منتديات عرب سوفت اذا كنت
عضوا فتفضل بتسجيل الدخول واذا كنت زائر فيشرفنا انضمامك لنا

سجل الان لتحصل على كل ما هو جديد وحصري
عرب سوفت 3arabsoft l
اهلا وسهلا بك زائرنا الكريم في منتديات عرب سوفت اذا كنت
عضوا فتفضل بتسجيل الدخول واذا كنت زائر فيشرفنا انضمامك لنا

سجل الان لتحصل على كل ما هو جديد وحصري
عرب سوفت 3arabsoft l
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى
 
الرئيسيةأحدث الصورالتسجيلدخول

 

 مشرف رايح يتجوز

اذهب الى الأسفل 
2 مشترك
كاتب الموضوعرسالة
ملكة الرومانسية
المشرفة العامة
المشرفة العامة
ملكة الرومانسية


انثى
عدد المساهمات : 99
نقاط النشاط : 137
العمر : 29

مشرف رايح يتجوز Empty
مُساهمةموضوع: مشرف رايح يتجوز   مشرف رايح يتجوز Icon_minitimeالخميس أغسطس 26, 2010 6:10 pm

فى مشرف ابن حلال كان عايز تجوز
فالمشرف ده كان رايح يخطب تعالوا نشوف عمل ايه
ــــــــــــــــــــــــــ
كان المشرف مرتبط بموعد مع العروس وأهلها
ليتقدم إليها ولكنه لم يشأ إغلاق المنتدى لمدة ساعة هى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقة للمنزل

بمجرد وصوله إلى العروس سأل عن أقرب فيشة كهرباء لأن الشحن شارف
على الإنتهاء

والد العروس: أهلا يابنى ... ....إزيك !!

المشرف(وهو مشغول بلوحة مفاتيح اللابتوب): أهلا بيك يا عمى .....

أنا يشرفنى إنى أطلب إيد بنتك مها .....موافق ولا لأ؟!!!!

تبادل كلا من والد العروس ووالدتها وأخيها نظرات الدهشة

والد العروس(مستغربا): حضرتك بتكلمنى ولا بتكلم حد على الإنترنت

المشرف(مازال منشغلا بلوحة المفاتيح): لا يا عمى أنا بكلمك إنت هو ة
أتكلم مع حد غيرك وأنا قدام حضرتك!!!

والدة العروس: طب يابنى طالما بتكلمنا بصلنا طيب

المشرف(لم يرفع عينه ويديه من على جهازه):ليه يا حاجة هو أنا هتكلم بعينى ولا ببقى؟!!!!((يعني تمي))


الوالد: إنت يا حبيبى إنت كمان .....إنت إيه حكايتك ؟

العريس: حكاية إيه يا عمى .....أنا معنديش حكايات إنت عندك؟!!!

الوالد(بضجر): إنت جاى تهزر

(لم يعره العريس أى إهتمام وقد ظهر مشغولا بموضوع ما على جهازه)

فإقتربت الأم من الوالد وتكلمت هامستا

الأم: إلا قولى يا حاج .....هو الجدع دة بيعمل إيه على البتاع الى معاه دة ....
.وإزاى بيكلمنا وهو بيحرك إديه الإثنين على الزراير دى كلها؟

الوالد: والله معرفشى يا تفيدة..... يظهر والله أعلم إنه بيكتب الكلام الى
بيقوله لنا فيطلع من بقه!!!!!!!



الأم: يا ندامتى !!!.معقولة دى يا حاج ؟!!

الأب:طبعا يا تفيدة ة ماهو إحنا فى عصر التكنولوبيا!!!



إنتى مش شفتى إزاى كان ملهوف على أى فيشة كهربا أول ما جيه لأن
الشحن بتاع الكلام بتاعه كان هيخلص!

الأم: يا خويا الى يعيش ياما يشوف!!!
على كدة يا حاج لو النور قطع هيبقى أخرس؟!!!!

الأم: طب يا خويا لازم لو وافقت عليه نشترى للبت كرتونة حجارة قلم
عشان تبقى عاملة حسابها فى أى وقت!!!

الأب(صارخا): هو أنا معقول أوافق على الآلة دى .....ليه من قلة الرجالة يعنى



(دخلت العروسة فى هذه اللحظة مكسوفة وهى تنظر إلى الأرض
وبيدها أكواب العصير ولكنها لم تلاحظ فيشة الكهرباء فإنقلبت
على وجهها أرضا وإنفصلت الفيشة )

العريس(صارخا): إيه الى هببتيه دة .....إنتى إزاى تفصلى الجهاز!!

الأم(بصوت خافت): يا حلاوة .....أهو بيتكلم من غير كهربا أهو يا حاج

الأب(بصوت خافت): ماهو كان شحن على الآخر يا تفيدة .....افهمى بقى
ثم إلتفت إلى العريس قائلا

الوالد: إيه يابنى قلة الذوق دى إنت بتصرخ فى عروستك وإنت جاى تتقدملها؟!!



دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها

العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!

الأب: دة جيل إيه دة.....هو جاى لينا منين دة!ا



لعروسة: من النت يا بابا.....من النت

الأم: الله يقطع النت والى شغالين فى النت !


يا رب تيجى عاصفة تسومانى على النت والى فيه!!!!!




الأب:ممكن بقى يابنى تقفل المخروب دة وتكلمنا شوية


العريس: خلاص يا عمى المساعد بتاعى جه بدالى دلوقتى

إلتفت الجميع حولهم يبحثون عن ذلك المساعد فضحك الموديراتور

العريس (ضاحكا): لأ يا جماعة أنا اقصد إن المساعد بتاعى أخذ مكانى
فى الشغل دلوقتى يعنى أنا دلوقتى جاهز لأى إستفسار لمدة ربع ساعة

الأب: طيب..... إحنا لسة متعرفناش بإسمك ولا شغلتك


ولا سنك ولا شهادتك ولا أى حاجة خالص!ا





لعريس: أنا اسمى موديراتور ...دة الإسم المستعار!الأم :إيه موديراتور دة؟


ضحكت العروسة وهى تقول: يا ماما دة النيك نيم بتاعه

الأم: ال إيه يا ضنايا؟‍‍!

العريس: خلاص يا جماعة .....أنا إسمى سعيد وعندى 27 سنة يعنى تأبيدة‍‍‍!!!
معايا شهادات كتيرة لو قلتها لكم كلها يبقى هنقعد يومين فبلاش أحسن
وشغلتى مشرف عام على منتدى الفقر حشمة

نظر الأب إلى المشرف وملابسه البسيطة غير المتناسقة وهو يقول
سيماهم على وجوههم‍‍‍‍!!!‍‍‍‍

العروسة(مبتسمة): بجد إنت المشرف بتاع الفقر حشمة .....
ده أنا مشتركة فيه من 5 شهور

العريس: ما شاء الله....بس إنتى مش ملتزمة بقوانين المنتدى
ولابسة كويس وعايشة فى عيشة آخر أبهة

العروسة: أنا عملت كدة عشان عارفة إن فيه عريس جاى يخطبنى

الأب: إنت يابنى عاوزها تلبس إيه .....هدوم مقطعة

العريس: لا يا عمى خلاص مش مهم لما أبقى أتجوزها أبقى أقطع لها هدومها‍‍‍‍‍‍!

الأب: ومين قالك إنى وافقت عليك أصلا

العروسة: ومتوافقشى ليه يا بابا دة كل البنات بيحبوه في المنتدى
وحبقى أنزل موضوع أنه المشرف إتجوزني عشان يبئوا يتغاضوا
وكمان حتى الموديراتور أكيد هيخلينى مميزة فى المنتدى
مش كدة برضه يا موديراتور العريس: طبعا وهعينك معانا من المشرفين على قسم لوحدك

العروسة(بسعادة): بجد..... هتعينى مشرفة على قسم لوحدى

العريس: طبعا وهديكى أسهل وأحسن قسم فى المنتدى

العروسة(فرحانة): هييييه .....هتدينى قسم إيه ؟

العريس: الشكاوى!!!

العروسة (صارخة)
: لا أرجوك .....كله إلا الشكاوى

هز العريس كتفيه وهو يقول
خلاص نفتح قسم للوفيات وأعينك مشرفة عليه

الأب: يا ترى خلصتوا ولا لسة

نظر العريس فى ساعته وهو يقول: أنا فعلا وقتى قرب ينتهى
لأن المساعد بتاعى عنده ميعاد مهم ولازم أدخل مكانه

الأب: أنا مش موافق على الجوازة دى

العروسة: ليه يا بابا دة انا.....

قاطعها الأب صارخا : اخرصى يا بت إنتى وروحى ذاكرى لأخوكى

خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعالى إتجوز بنتى .....
لكن طول ما إنت فى الفقر حشمة دة مالكشى عرايس عندى
فاهمنى

العريس: خلاص يا عمى براحتك .....بس إذا كان منتدى الفقر حشمة
هو الى مزعلك أنا ممكن أسيبه

الأب(فرحا): بجد يابنى .....طيب سيبه هو فعلا الى مزعلنى
لو سيبته أنا هسيبلك بنتى بدون أى كلام


شكره العريس ثم جاء إليه فى اليوم التالى ومعه نفس اللابتوب وهو يقول
أنا سيبت الفقر حشمة من إمبارح وإشتركت فى منتدى تانى اسمه

اللاجــئـيـن >>>>



سقط الأب على الأرض ميتا وصرخت الأم وبكت العروسة وأخيها الصغير
بينما جلس العريس فى غرفة الصالون يتابع منتداه الجديد


ههههههههههههههههههه
يارب تكون عجبتكم
الرجوع الى أعلى الصفحة اذهب الى الأسفل
AhMeD
مالك ومؤسس موقع عرب سوفت
مالك ومؤسس موقع عرب سوفت
AhMeD


ذكر
عدد المساهمات : 986
نقاط النشاط : 2389

مشرف رايح يتجوز Empty
مُساهمةموضوع: رد: مشرف رايح يتجوز   مشرف رايح يتجوز Icon_minitimeالخميس أغسطس 26, 2010 7:25 pm

هههههههههههههههههههههههههههههههههههههه

نايس توبيك مشرف رايح يتجوز 933262
الرجوع الى أعلى الصفحة اذهب الى الأسفل
ملكة الرومانسية
المشرفة العامة
المشرفة العامة
ملكة الرومانسية


انثى
عدد المساهمات : 99
نقاط النشاط : 137
العمر : 29

مشرف رايح يتجوز Empty
مُساهمةموضوع: رد: مشرف رايح يتجوز   مشرف رايح يتجوز Icon_minitimeالجمعة أغسطس 27, 2010 12:57 am

مرورك انيس هههههه
نووووووورت التوبيك
الرجوع الى أعلى الصفحة اذهب الى الأسفل
AhMeD
مالك ومؤسس موقع عرب سوفت
مالك ومؤسس موقع عرب سوفت
AhMeD


ذكر
عدد المساهمات : 986
نقاط النشاط : 2389

مشرف رايح يتجوز Empty
مُساهمةموضوع: رد: مشرف رايح يتجوز   مشرف رايح يتجوز Icon_minitimeالجمعة أغسطس 27, 2010 6:55 pm

ههههههههههه اسمها انيس ههههههههههه مشرف رايح يتجوز 59650
الرجوع الى أعلى الصفحة اذهب الى الأسفل
ملكة الرومانسية
المشرفة العامة
المشرفة العامة
ملكة الرومانسية


انثى
عدد المساهمات : 99
نقاط النشاط : 137
العمر : 29

مشرف رايح يتجوز Empty
مُساهمةموضوع: رد: مشرف رايح يتجوز   مشرف رايح يتجوز Icon_minitimeالأحد أغسطس 29, 2010 2:58 pm

هههههههههههههههههه
طب ممكن اعرف اية الفرق؟
الرجوع الى أعلى الصفحة اذهب الى الأسفل
 
مشرف رايح يتجوز
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عرب سوفت 3arabsoft l :: المنتديات الترفيهية :: النكت و الفرفشة | Blagues et spirituel-
انتقل الى: