عرب سوفت 3arabsoft l
اهلا وسهلا بك زائرنا الكريم في منتديات عرب سوفت اذا كنت
عضوا فتفضل بتسجيل الدخول واذا كنت زائر فيشرفنا انضمامك لنا

سجل الان لتحصل على كل ما هو جديد وحصري
عرب سوفت 3arabsoft l
اهلا وسهلا بك زائرنا الكريم في منتديات عرب سوفت اذا كنت
عضوا فتفضل بتسجيل الدخول واذا كنت زائر فيشرفنا انضمامك لنا

سجل الان لتحصل على كل ما هو جديد وحصري
عرب سوفت 3arabsoft l
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى
 
الرئيسيةأحدث الصورالتسجيلدخول

 

 حرامى قرر يتوب

اذهب الى الأسفل 
2 مشترك
كاتب الموضوعرسالة
ملكة الرومانسية
المشرفة العامة
المشرفة العامة
ملكة الرومانسية


انثى
عدد المساهمات : 99
نقاط النشاط : 137
العمر : 29

حرامى قرر يتوب Empty
مُساهمةموضوع: حرامى قرر يتوب   حرامى قرر يتوب Icon_minitimeالأربعاء أغسطس 25, 2010 4:04 am

السلام عليكم و رحمة الله و بركاته

النهاردة جايبلكم معايه حتة حكاية إنما أيه
بعنوان ....

حــرامى قـــرر يـتــوب

يارب تعجبكم

>> يلا بينا >>

اتسرقت عربية واحد و راح بلغ عنها فى قسم الشرطة ،
و قعد مستنيهم لغاية لما يقبضوا على اللى سرقها



و طال انتظاره يا عينى ...
و بعد بهدلة مع التاكسيات و الميكروباصات و بعد عناء استمر لمدة طويلة
رجع بيتهم فى يوم و إذا بيه يلاقى جرس التليفون يرن ...
راح لقى شخص بيقوله فى صوت حزين متردد : هوا حضرتك ... أأأ ..أأأ
هوا أنت صاحب العربية اللى مواصفاتها كذا و كذا ؟؟ !!
رد عليه و قالله : أيوه أنا
الحرامى : أنا اللى سرقت العربية بتاعتك بس و الله أنا تبت ، و لكن أنا مش عارف أيه اللى خلانى أعمل كده
الله يخربيت الفلوس و الطمع فى تحسين المستوى مع إنى راجل معايه فلوس ..
للأسف كله من سماع الشيطان الوسواس الخناس
أرجوك سامحنى علشان خاطر ربنا يقبل توبتى ...
لازم أسمعها منك إنك مسامحنى و إنك مش هاتبلغ البوليس عنى ...
و أنا من جهتى هارجعلك العربية
أنا مش عاوز أتفضح وسط عيلتى و قرايبى و الناس اللى يعرفونى
فرد صاحب العربية بلهفة : أرجوك رجعها و أنا مسامحك ... رجعها
فقال له الحرامى : أنا تبت و هارجعهالك ... أنا هاسيبهالك فى المكان اللى يعجبك
فـ رد صاحب العربية : سيبها طيب فى المكان الفلانى بشارع جامعة الدول العربية



الحرامى التائب : خلاص اتفقنا ، و هاتلاقى المفاتيح جوا العربية
و هاحطلك كمان ظرف فيه هدية عبارة عن تذاكر سفر لشرم الشيخ لمدة 3 أيام
و هناك حجز ليك أنت و أسرتك بفندق كويس ... لأنى عارف إنى تعبتكم بغلطتى و جريمتى



راح صاحبنا للمكان اللى اتفقوا عليه و إذا بيه يلاقى عربيته فعلاً هناك
ففتحها و بص لقى المفاتيح جوا العربية زى ما الراجل قال له بالظبط
ففرح جداً و انبسط .... لم يمر وقت طويل و راح لقى ظرف موجود جوا العربية على تابلوه العربية
راح فاتحه بلهفة ... و إذا به 5 تذاكر سفر بالفعل .. على نفس عدد أفراد عيلته بالظبط
فأستغرب ..
راح البيت و اتصل بشركة السفريات .. و اتضح فعلاً إن التذاكر سليمة و الحجز مدفوع مسبقاً !!
قعد يفكر ... أيه يا جدعان الراجل اللى ضميره صحى قوى ده !
... فعلاً حس بغلطته
فاتصل بالفندق علشان يأكد السفر .. و كان قاعد جنبه مراته و أولاده
اتصل بيه الحرامى بعدها بشويه .... ترن ترن
ها .. سامحتنى يا أستاذ ؟ و هل قبلت هديتى ؟
فقال له صاحبنا : جزاك الله كل خير ... و أنا مسامحك و قبلت الهدية



و بعد يومين من قضاء أجازة سعيدة مع عيلته فى شرم و الاستمتاع بجمالها
رجع بيتهم لقاه مسروق بالكامل و بقى أنضف من الصينى بعد غسيله

الرجوع الى أعلى الصفحة اذهب الى الأسفل
AhMeD
مالك ومؤسس موقع عرب سوفت
مالك ومؤسس موقع عرب سوفت
AhMeD


ذكر
عدد المساهمات : 986
نقاط النشاط : 2389

حرامى قرر يتوب Empty
مُساهمةموضوع: رد: حرامى قرر يتوب   حرامى قرر يتوب Icon_minitimeالأربعاء أغسطس 25, 2010 11:03 am

هههههههههههههههههههههههههههههههههههههههههه

بجد روعة تسلم ايدك يا ملكة
الرجوع الى أعلى الصفحة اذهب الى الأسفل
ملكة الرومانسية
المشرفة العامة
المشرفة العامة
ملكة الرومانسية


انثى
عدد المساهمات : 99
نقاط النشاط : 137
العمر : 29

حرامى قرر يتوب Empty
مُساهمةموضوع: رد: حرامى قرر يتوب   حرامى قرر يتوب Icon_minitimeالخميس أغسطس 26, 2010 6:01 pm

مرورك هو الاروع بكتير
نووووووووووورت
:فرراشة:
الرجوع الى أعلى الصفحة اذهب الى الأسفل
 
حرامى قرر يتوب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عرب سوفت 3arabsoft l :: المنتديات الترفيهية :: النكت و الفرفشة | Blagues et spirituel-
انتقل الى: